Tuljapurlive.com/Photos

 उपसरपंचासह आठ सदस्यांचा राजीनामा

तुळजापूर तालुक्यातील कटगाव ग्रामपंचायतीत कारभारावरून अंतर्गत धुसफूस उफाळून आली असून, सरपंच व ग्रामविकास अधिकारी यांच्या कथित मनमानी कारभारामुळे विकासकामांत अनियमितता होत असल्याचा आरोप करत उपसरपंचासह तब्बल आठ सदस्यांनी आपल्या पदाचे राजीनामे दिले आहेत. १३ सदस्यसंख्या असलेल्या ग्रामपंचायतीतील आठ सदस्यांनी एकाचवेळी राजीनामे दिल्याने ग्रामपंचायत वर्तुळात खळबळ उडाली असून, सत्ताधारी गटातील दोन सदस्यांचाही त्यात समावेश असल्याने या घडामोडीने राजकीय रंग घेतला आहे.

राजीनामा देणाऱ्या सदस्यांनी ग्रामपंचायतीच्या कामकाजात आपल्याला विश्वासात घेतले जात नसल्याचा, तसेच विकासकामांमध्ये कथित अनियमितता होत असल्याचा आरोप केला आहे. कारभाराबाबत वारंवार मतभेद निर्माण होत असल्याने अखेर सदस्यांनी राजीनाम्याचा मार्ग स्वीकारल्याचे सांगण्यात येत आहे.

राजीनाम्यामुळे ग्रामपंचायतीसमोर पेच

१३ पैकी आठ सदस्यांनी राजीनामे दिल्याने ग्रामपंचायतीच्या कामकाजासमोर मोठा पेच निर्माण झाला आहे. हे राजीनामे स्वीकारले जाणार की संबंधित सदस्यांची समजूत काढून राजीनामे मागे घेण्यासाठी प्रयत्न केले जाणार, याकडे ग्रामस्थांचे लक्ष लागले आहे.

दरम्यान, राजीनामा देणाऱ्या सदस्यांनी केलेल्या आरोपांबाबत सरपंच व ग्रामविकास अधिकाऱ्यांची भूमिका काय आहे, याकडेही ग्रामस्थांचे लक्ष लागले आहे.

तुळजापुर तालुक्यातील आलियाबाद येथील सुपुत्र श्रीयुष सुनिता संजय चव्हाण  याचे महाराष्ट्र क्रिकेट 14 वर्षाखालील संघात निवड झाली आहे. श्रीयुषने निवड सामन्यांमध्ये उत्कृष्ट कामगिरी केली आणि निवडकर्त्यांना आकर्षित केले, निवडक सामन्यांमध्ये त्याने नाबाद १५४  नाबाद १०८ तसेच ९५ आणि ९१ धावा केल्या. 

श्रीयुषच्या लहानपणीच त्याचे वडील संजय आणि आई सुनीता यांनी श्रीयुषला क्रिकेटर बनवण्याचे,  राज्य आणि देशासाठी खेळण्याचे स्वप्न पाहिले

14 वर्षांखालील महाराष्ट्रात निवड होऊन श्रीयुषने मोठे स्वप्न साकार करण्याच्या दिशेने पहिले पाऊल यशस्वीपणे पूर्ण केले.यासाठी पुण्यातील नावाजलेलं अंबिशियस क्लब चे कोच श्री मनीष देसाई सर व क्लब ओनर श्री सुनील मुथा सर यांचे मार्गदर्शन लाभले.

या निवडीबद्दल जिल्हा परिषदेचे सदस्य तथा माजी सभापती प्रकाश चव्हाण, माजी नायब तहसीलदार माणिकराव चव्हाण, सरपंच सुर्यकांत चव्हाण उपसरपंच अमृता चव्हाण, सुभाष नाईक, तंटामुक्त समितीचे अध्यक्ष विनायक चव्हाण, शिवाजी पोलीस पाटील, पांडुरंग चव्हाण, ग्रामपंचायत सदस्य सुर्यकांत राठोड, माणिक राठोड, यशवंत राठोड, सिद्राम पवार, शिवाजी चव्हाण हरीदास राठोड, बाबु राठोड, देविदास चव्हाण,हरीदास चव्हाण यांच्यासह ग्रामस्थांनी अभिनंदन केले.

स्वामी विवेकानंद ग्रामसेवा प्रतिष्ठान द्वारा संचलित येथील देगलूर रोडवरील नाईकनगर चौक स्थित महात्मा पब्लिक स्कूल मध्ये दि.०७ जानेवारी शनिवारी रोजी दु. ४ वाजता रघुकुल मंगल कार्यालयात स्नेहसंमेलन पार पडले.

 या कार्यक्रमांमध्ये महात्मा पब्लिक स्कूलच्या स्थापनेपासूनच्या परंपरेला व सांस्कृतिक साजेसा असा उत्कृष्ट , कलाउत्कृष्ट व विद्यार्थ्यांच्या अद्भुत कला गुणांना वाव देणारा असा सांस्कृतिक कार्यक्रम व प्रथम, द्वितीय, तृतीय येणाऱ्या विद्यार्थी, विद्यार्थिनींना यावेळी सन्मानित करण्यात आले. तसेच स्कूलच्या अनेक विद्यार्थ्यांना अनेक विद्यार्थ्यांनी अत्यंत उत्तमपणे बालाविष्कार, कलाविष्कार सादर केला.

कार्यक्रमाची सुरुवात प्रथमतः स्वामी विवेकानंद व विद्येची देवता सरस्वती यांच्या प्रतिमेस पुष्पहार अर्पण करून अभिवादन व दीप प्रज्वलानी करण्यात आली. अध्यक्षस्थानी नवनिर्माण फाउंडेशनचे अध्यक्ष विश्वास पडीले हे होते. तर प्रमुख पाहुणे म्हणून मेडिकल व औषधी असोसिएशनचे लातूर जिल्हा उपाध्यक्ष सत्यवान बोरोळकर, उदगीर शहर पोलीस स्टेशनचे पोलीस निरीक्षक अभिषेक शिंदे, उदगीर नगरपरिषदेचे माजी नगराध्यक्ष सुधीरभाऊ भोसले, भाजपाचे शहराध्यक्ष मनोज दादा पुदाले,  महिला आघाडीच्या उत्तराताई कलबुर्गे, ग्रामविकास प्रतिष्ठानचे संस्थापक अध्यक्ष दीपक नेत्रगावेपाटील, सचिव सौ.संगीताताई दिपकराव नेत्रगावेपाटील, राष्ट्रवादी कला व सांस्कृतिक सेलचे जिल्हाध्यक्ष अभिजीत पाटील, मानकीचे माजी सरपंच सतीश पाटील मानकीकर, ग्राहक संरक्षण परिषदेचे शासननियुक्त अशासकीय सदस्य बालासाहेब गोविंदराव शिंदे अतनूरकर, शैक्षणिक क्षेत्रातील तज्ञ व्यक्ती व सिद्धी करिअर ॲकाडमीच्या संचालिका सौ.नंदाताई स्वामी, शांतकुमार स्वामीसर, जिजामाता महिला मंडळाच्या अध्यक्षा सौ.संध्या बालासाहेब शिंदे अतनूरकर, सामाजिक कार्यकर्त्या चंचलाताई हुगे उपस्थित होते.

या कार्यक्रमांमध्ये बालकलाकारांचा कलाविष्कार बक्षिसांची व या शाळेची गुणवला, उपक्रमशीलता, नैपुण्य हे इतरांपेक्षाही आगळे वेगळे व नजरेत भरणारे होते. यामध्ये लहान बालकांनी, विद्यार्थ्यांनी महाराष्ट्राची लोककला लावणी, धनगर गीते, भक्ती गीते, लोकगीते, राष्ट्रगीते, रिमिक्स गाणे, मनोहर नृर्त्यांसह सादर करून उपस्थितांची मने जिंकली. रंगीबेरंगी विद्युत रोषणाई, कर्ण मधुर संगीत व प्रेक्षकांचा अमर्यादा त्यामुळे कार्यक्रम उत्तरोत्तर रंगत गेला. प्रथम, द्वितीय, तृतीय, चर्तुथ क्रमांक विद्यार्थ्यांचे व मातापालकांचे ट्रॉफी सन्मानचिन्ह देऊन स्वागत व अभिनंदन करून सत्कार करण्यात आला. कार्यक्रमाला विविधता होती. विद्यार्थ्यांचे विविध कलागुणांचा अविष्कार होता. कार्यक्रमाची विशेष म्हणजे कुमारी साक्षी संगीताताई दीपकराव नेत्रगावेपाटील, या आडीचतीन वर्षांच्या चिमुकल्यांनी प्रेक्षकांची मने जिंकली. कार्यक्रम यशस्वी होण्यासाठी सर्व शिक्षकवृंद्ध, कर्मचारी यांनी तसेच शाळेचे मुख्याध्यापक आनंदा चिंचोले यांनी विशेष प्रयत्न केले. कार्यक्रमाचे सूत्रसंचालन मुख्याध्यापक आनंद चिंचोले यांनी केले. प्रास्ताविक भाषण स्वामी विवेकानंद प्रतिष्ठानचे संस्थापक अध्यक्ष दीपकराव नेत्रगावेपाटील यांनी केले. आभार स्वामी विवेकानंद प्रतिष्ठानच्या संस्थापिका सचिव तथा प्राचार्या सौ.संगीताताई दिपकराव नेत्रगावेपाटील यांनी मानले.

 सर्व पालक वर्ग, माता भगिनी हजर होत्या. या कार्यक्रमाचे सूत्रसंचालन महात्मा पब्लिक स्कूल शाळेचे मुख्याध्यापक आनंद चिंचोले यांनी केले. तसेच महात्मा पब्लिक स्कूल शाळेच्या सर्व शिक्षिका वृंद व कर्मचाऱ्यांनी वार्षिक स्नेहसंमेलनातील वेशभूषा व इतर महत्त्वाच्या बाबी प्रभावीपणे सांभाळून कार्यक्रम यशस्वी करण्यासाठी हातभार लावला. हा कार्यक्रम सर्वांच्या मेहनतीने यशस्वी झाला. हा कार्यक्रम यशस्वी होण्यासाठी दिवसरात्र, अहोरात्र मेहनत, परिश्रम घेणाऱ्या संस्थेच्या संचालिका तथा प्राचार्या सौ.संगीताताई दिपकराव नेत्रगावेपाटील यांचा सुद्धा यावेळी सत्कार करून सन्मान करण्यात आला.

 मुरुम,दि.०९

तालुक्यातील बेडर,बेरड,रामोशी,बहुजन समाज व जय मल्हार क्रांती संघटना संघटनेच्या वतीने  

आद्य क्रांतिवीर राजे उमाजी नाईक  यांच्या 193 वी पुण्यतिथीनिमित्त भव्य रक्तदान शिबिराचे आयोजन राजे उमाजी नाईक चौक बायपास रोड उमरगा येथे  घेण्यात आले. या शिबीरात ५० युवकांनी उत्स्फूर्तपणे रक्तदान केले. 

या पुण्यतिथी प्रसंगी आमदार प्रवीण स्वामी, तहसीलदार गोविंद एरमे,नायब तहसीलदार रतन काजळे, भारतीय जनता पक्षाचे जिल्हाध्यक्ष संताजी चालुक्य, अश्लेष भैया मोरे मित्र मंडळाचे अध्यक्ष विशाल कानेकर,कृषी उत्पन्न बाजार समितीचे संचालक किरण कुकुर्डे यांची प्रमुख उपस्थिती होती. 

यासाठी आयोजक अशोक ममाळे, नागनाथ कोराळे, दिलीप कलमले, महेश व्हनाळे, राहुल खवडे, कन्हैया बुकले, नितीन कुकुर्डे, मारुती पाटील, सचिन जमादार, गोपाळ वासुदेव, कृष्णा जमादार, ज्ञानेश्वर यंपाळे, रायान्ना बुकले, शाहूराज जमादार, नेताजी मंडले, तुकाराम ममाळे, काशिनाथ जमादार यांच्यासह श्रीकृष्ण रक्तपेढीच्या  कर्मचाऱ्यांनी यासाठी पुढाकार घेतला.

देशासाठी चोवीस तास उन, वारा,थंडी पाऊस, शून्य अंशापेक्षाही कमी तापमानात सीमेवर खडा पहारा देणाऱ्या भारतीय  सैनिकांच्या असीम कार्यामुळेच आज आपला देश आणि आपण सुरक्षित आहोत. हे शक्य आहे . त्यांचा हृदयात ठासून भरलेल्या देशभक्ती मुळेच.कारण देशभक्तीचे जाज्वल्य प्रतिबिंब म्हणजेच भारतीय सैनिक होय.असे प्रतिपादन महाराष्ट्र उदयगिरी महाविद्यालयाचे डॉ. मल्लेश झुंगा स्वामी यांनी केले.ते येथील सिद्धेश्वर मंगल कार्यालयाच्या सभागृहात सेवानिवृत्त भारतीय सैनिक उमाकांत बसलिंगअप्पा सुलपुले यांच्या सेवापूर्ती सोहळ्यानिमित्त आयोजित कार्यक्रमात अध्यक्ष पदावरून बोलत होते.

उमाकांत सुलपुले यांच्या सेवापुर्ती सोहळा समारोहाच्या अध्यक्ष स्थानी उदगीर भूषण डॉ. मल्लेश झुंगा स्वामी होते तर प्रमुख पाहुणे म्हणून जिल्हा परिषदेचे माजी समाज कल्याण सभापती  अँड.रामराव नाईक, देगलूर पोलीस स्टेशन चे पोलीस निरीक्षक मारोती मुंढे,पोलीस उपनिरीक्षक नरहरी फड, शिवानंद स्वामी,येरगी चे सरपंच तथा संजय गांधी निराधार योजना अध्यक्ष संतोष पाटील, प्रा . एस.एल.देशमुख,अँड.वीरभद्र माळगे, मल्लिकार्जुन स्वामी, हडोळतीकर,युवा उद्योजक गणेश स्वामी,प्रशांत पाटील आचेगावकर, विश्वनाथ पाटील,माजी सरपंच बसलिंगप्पा सुलपुले,अशोक मजगे आदी उपस्थित होते.

कार्यक्रमाचे प्रास्ताविक गिरीश पारसेवार यांनी केले .प्रास्ताविकातून उमाकांत सुलपुले यांचं शालेय जीवनापासून ते भारतीय सैनिक म्हणून सेवानिवृत्ती पर्यंतच्या कालखंडाचा उलगडा केला.

यानंतर शिवानंद स्वामी, अँड.रामराव नाईक,संतोष पाटील,अशोक मजगे, बसलिंगप्पा सुलपुले आदींनी आपले मनोगत व्यक्त केले.

अध्यक्षीय भाषणात डॉ. मल्लेश झुंगा स्वामी पुढे म्हणाले की आपल्या मुलाला भारतीय सैनिक म्हणून पाठविणाऱ्या आई वडिलांचे कौतुक करावे तेवढे कमी आहे.आपला मुलगा घरी परत येईल का नाही याची धुक धुक हृदयात साठवून ठेवत आपले जीवन जगत असतात. सैनिकाची पत्नी चे जीवन सुद्धा एक समर्पण आहे. डॉ.स्वामी यांनी उपस्थित महिलांना आवाहन केले की प्रत्येक आईने आपल्या पाल्याला मातृभूमी वर प्रेम करायला शिकवावे.जेणेकरून देशभक्तीचे स्फुल्लिंग जागवत प्रत्येक घरातून एक मूल देशसेवेसाठी भारतीय सैन्यामध्ये पाठवले पाहिजे.

यानंतर मित्र परिवार यांच्या वतीने आयोजित या सन्मान सोहळ्यास उत्तर देताना उमाकांत सुलपुले यांनी भावनिक होत आपले मनोगत व्यक्त करून उपस्थितांचे आभार मानले. कार्यक्रमात सेवानिवृत्त सैनिक उमाकांत सुलपुले यांचा व त्यांच्या आईवडिलांचा सपत्नीक सत्कार करण्यात आला.

कार्यक्रमाचे सूत्रसंचालन संतोष आगलावे यांनी केले तर आभार हणमंत सुलपुले यांनी मानले.

कार्यक्रम यशस्वी करण्यासाठी गिरीश पारसेवार, अभिजीत मदनुरकर, राजेश उल्लीवार, संजय स्वामी, उदय कदम वैभव सुलपुले,ओमकार सुलपुले ,मित्रमंडळी व नातेवाईक यांनी परिश्रम केले.

वागदरी एस.के.गायकवाड

रिपब्लिकन पार्टी ऑफ इंडियाचे राष्ट्रीय अध्यक्ष नामदार रामदास आठवले यांनी सलग तिसऱ्यांदा मंत्री पदाची शपथ घेतल्याने तुळजापूर तालुक्यातील नळदुर्ग येथे रिपाइं (आठवले) च्या कार्यकर्त्यांनी जल्लोष केला.

  

 लोकसभा निवडणुकीनंतर नरेंद्र मोदी यांच्या पंतप्रधान पदाच्या शपतविधी सोहळ्यात रिपाइंचे राष्ट्रीय अध्यक्ष ना. रामदास आठवले यांनी सलग तिसऱ्यांदा  केंद्रीय मंत्री मंडळात मंत्री पदाची शपथ घेतल्याने नळदुर्ग येथे रिपाइं कार्यकर्त्यांनी  बसस्थानका समोर डाॅ.बाबासाहेब आंबेडकर संविधान चौकात बॅनरनबाजी करून फटाक्यांची आतिषबाजी करत पेढे वाटून आनंदोत्सव साजरा करून जल्लोष केला.

  

याप्रसंगी रिपाइं (आठवले) चे जिल्हा उपाध्यक्ष बाबासाहेब बनसोडे,जिल्हा सचिव एस.के.गायकवाड, अल्प संख्याक आघाडीचे तालुकाध्यक्ष बाशिदभाई कुरेशी, तालुका कार्यकारणी सदस्य दत्ता बनसोडे नळदुर्ग शहर उपाध्यक्ष दत्ता सुरवसे रिपाइं चे जयभीम वाघमारे, जेष्ठ कार्यकर्ते नामदेव आण्णा बनसोडे सह कार्यकर्ते मोठ्या संख्येने उपस्थित होते.

आंबेडकरी चळवळीतील स्मृतिशेष शिवाजी पंडा निकाळजे रा. दिंडेगांव ता.तुळजापूर यांच्या निधनानंतर त्यांच्या पुत्रांनी परंपरेने चालत आलेली *अंत्यविधीच्या तिसऱ्या दिवशी नदीत केले जाणार्‍या रक्षाविसर्जनाला* फाटा देत आपल्या वडिलांनाच्या अस्थी रक्षाविसर्जन आपल्या शेतात एक फळांचे झाड लावून व्रक्षारोपनाने करून समाजापुढे एक आदर्श घातला आहे.

 आपण नेहमी जलप्रदूषणावर बोलतो, लिहतो, ऐकतो जलप्रदूषणामुळे होणारे तोटेही माहिती असतात *परंतू  परंपरेने चालत आलेल्या रुढी च्या विरुद्ध कृतीला सहसा कुटुंबियांचे मन धजावत नसते*.

 परंतू दिंडेगाव येथील सामाजिक कार्यकर्ते तथा उपसरपंच गोपीचंद निकाळजे व खंडू निकाळजे यांनी आपल्या वडिलांच्या निधनानंतर स्वतःच्या शेतजमिनीत फळाचे झाड लावून व्रक्षारोपनाच्या खड्ड्यात रक्षाविसर्जन करून समाजात एक आदर्श निर्माण केला आहे.

अशा कृतीमामागची भूमिका स्पष्ट करतांना *दिंडेगांवचे उपसरपंच गोपी निकाळजे व त्यांचे बंधू खंडू निकाळजे* यांनी सांगितले की, *आमचे वडिल वृक्षाच्या रुपाने चिरंतन जीवंत असल्याची जाणीव क्षणोक्षणी आम्हा कुटुंबियांना होईल.तसेच हा वृक्ष वडिलांच्या स्मृतित लावला गेला असल्याने घरातील प्रत्येकजण त्याची विशेष काळजी घेवून जोपासेल* तसेच दिवसेंदिवस वृक्षाप्रतीचा आदर कमी होत असल्याने बेसुमार वृक्षतोड होते परंतू अशाप्रकारे *घरच्या व्यक्तीच्या आठवणीत वृक्षारोपण केल्यामुळे कुटुंबियांना त्या वृक्षाप्रती एक वेगळाच आदरभाव निर्माण होईल यामुळे त्या झाडाची फांदी तोडण्याअगोदर घरातील प्रत्येकजण हजारदा विचार करेल, अशामुळे खूप काही  सकारात्मक विचार वृक्षासंदर्भात निर्माण होतील .घरातील लहान मुलांमध्ये सुद्धा वृक्षसंवर्धनाबद्दल सकारात्मक बदल घडून येईल.असे अतिशय पर्यावरणवादी विचार गोपीचंद निकाळजे व खंडू निकाळजे यांनी मांडले. खरोखरच प्रत्येकांनी असा पथदर्शी हा स्तुत्य उपक्रम सुरू करायला हवा. आपल्या कुटुंबियातील व्यक्तीच्या निधनानंतर ही ती व्यक्ती  वृक्षरुपाने जीवंत राहिल..

                                 

महाराष्ट्राची कुलस्वामीनी श्री.तुळजाभवानी देवीच्या शारदीय नवरात्र महोत्सवास आज 15 ऑक्टोबर 2023 रोजी रविवारपासून तुळजापूर येथे धार्मिक वातावरणात प्रारंभ झाला. श्री.तुळजाभवानी मंदिरात पहाटे पारंपारिक पध्दतीने श्री.तुळजाभवानी देवीजींची सिंहासनावर प्रतिष्ठापना करण्यात आली. दुपारी 12 वाजता श्री.तुळजाभवानी मंदिर संस्थानचे अध्यक्ष तथा जिल्हाधिकारी डॉ.सचिन ओम्बासे यांच्या हस्ते आज सपत्निक विधिवत घटस्थापना करण्यात आली.

 मंत्रोपच्चाराने तसेच आई तुळजाभवानी उदो-उदोच्या जयघोषात पारंपारिक संबळ वाद्याच्या साथीने सर्व पुजाविधी करण्यात आले.

   

  

घट कलशांची पारंपारिक पध्दतीने पुजा करुन गोमुख तीर्थापासून या घट कलशांची मिरवणूक काढण्यात आली. मंदिरातील गाभाऱ्यात तसेच खंडोबा मंदिर, यमाईदेवी मंदिर, टोळभैरव आणि आदिमाया आदिशक्ति या मंदिरामध्ये जिल्हाधिकारी डॉ.सचिन ओम्बासे यांच्या हस्ते घटस्थापना करण्यात आली. 

मंदिर व्यवस्थापन आणि जिल्हा प्रशासनाच्यावतीने भाविकांच्या दर्शनाच्या सोयीसाठी मंदिर संस्थानच्या अधिकृत संकेतस्थळावर www.shrituljabhavani.org ऑनलाईन दर्शन व्यवस्था करण्यात आली आहे. भाविकांनी या सुलभ दर्शन सुविधेचा लाभ घ्यावा असे आवाहन श्री.तुळजाभवानी मंदिर संस्थानचे अध्यक्ष तथा जिल्हाधिकारी डॉ.सचिन ओम्बासे यांनी करुन सर्व भाविकांना शारदीय नवरात्र महोत्सवाच्या शुभेच्छा दिल्या.

    

यावेळी श्री.तुळजाभवानी देवीच्या मंदिरातील धार्मिक कार्यक्रमास आमदार राणाजगजितसिंह पाटील, जिल्हा पोलीस अधिक्षक अतुल कुलकर्णी, अर्चनाताई पाटील, उपविभागीय अधिकारी डॉ.योगेश खरमाटे, तहसीलदार तथा व्यवस्थापक (प्रशासन)सोमनाथ माळी, मंदिर संस्थानचे सहायक व्यवस्थापक सिध्देश्वर इंतुले, सहायक जनसंपर्क अधिकारी गणेश मोटे, धार्मिक अधिकारी काटकर,महंत तुकोजी बुवा,महंत वाकोजी बुवा, चिलोजी बुवा,डॉ. अक्षय पाटील तसेच पाळीकर पुजारी मंडळ, उपाध्ये मंडळ व भोपे पुजारी मंडळाचे पदाधिकारी  उपस्थित होते. 

          

 

कला विज्ञान व वाणिज्य महाविद्यालय नळदुर्ग व डॉ. बाबासाहेब आंबेडकर मराठवाडा विद्यापीठ छत्रपती संभाजीनगर यांच्या संयुक्त विद्यमाने आयोजित आंतरमहाविद्यालयीन कुस्ती ( पुरुष व महिला )  स्पर्धेचा  समारोप करण्यात आला. दि. १३ व १४ या दोन दिवसाच्या कालावधीत पार पडलेल्या या स्पर्धेत विद्यापीठअंतर्गत येणाऱ्या  ८५ महाविद्यालयांतील १३३ मुले व ४४ मुलीनी आपला सहभाग नोंदविला होता. या स्पर्धेत सहभागी झालेल्या सर्वच कुस्तीपटूनी कुस्तीतील कोशल्यपूर्वक डावपेच दाखवून प्रेक्षकांच्या डोळ्याचे पारणे फेडले .

दि.13 व 14 ऑक्टोबर 2023 रोजी घेण्यात आलेल्या पुरुष व महिला  कुस्ती स्पर्धेचा निकाल  खालील प्रमाणे  ( मुले ) - ( 57 किलो वजन गट )  स्वप्निल शेलार , ऐ. डी. कॉलेज , कडा ( प्रथम ) शंकर गावडे, यशवंतराव चव्हाण महाविद्यालय , तुळजापूर ( द्वितीय ) ( 61 किलो  वजन गट ) सौरभ इगवे  बी . एस. एस. कॉलेज माकणी ( प्रथम ) विशाल गावडे,तुळजापूर ( द्वितीय )  65 किलो , साहिल सय्यद, आष्टी ( प्रथम ) रोहित भोसले,कळंब ( द्वितीय ) 70 किलो गणेश शेटे,धानोरा ( प्रथम ) प्रतिक काळे ,  आष्टी ( द्वितीय ) 74 किलो शिवम थोरात,चौसाळा ( प्रथम ) सौरभ शिंदे,कडा ( द्वितीय )79 किलो ऋषिकेश भोसले,नळदुर्ग ( प्रथम )संदीप काटकर,जालना ( द्वितीय )  86 किलो रविराज निंबाळकर,परांडा ( प्रथम ),संभाजी देवकर,बीड ( द्वितीय ) 92 किलो सोमनाथ कोरके, बनसारोळा ( प्रथम) अनिकेत खंदारे,कडा ( द्वितीय ) 97 किलो विकास धावरे,आष्टी ( प्रथम ) ,जीवन भुजबळ,माकणी ( द्वितीय ) 125 किलो धीरज बारस्कर,परांडा  ( प्रथम ),सावंत.आर ( द्वितीय ) ( मुली ) - 50 किलो वजन गट कु. समृद्धी खांडवे, बिडकीन ( प्रथम) कु. यशोदा क्षीरसागर, ढोकी ( द्वितीय ) 53 किलो कु. पंकजा बल्लाळ, पैठण ( प्रथम ) कु. पल्लवी सुपनवर, आष्टी ( द्वितीय ) 55 किलो कु.  कल्याणी दसपुते, पैठण ( प्रथम ), कु. चैताली गिव्हुले, धानोरा ( द्वितीय ) 57 किलो कु. श्रुती बामनहोत, छत्रपती संभाजीनगर  ( प्रथम ) 59 किलो कु. स्नेहल पुजारी,धानोरा  ( प्रथम ) , कु. दिक्षा गायकवाड ,आष्टी ( द्वितीय ) 62 किलो कु.संजना डिसले,धानोरा ( प्रथम ), कु. भाग्यश्री धुमाळ B.P.Ed कॉलेज ( द्वितीय ) ,  कु.सोनाली सरक नळदुर्ग ( तृतीय ) 65 किलो  कु. श्रृंखला रत्नपारखी,छत्रपती संभाजीनगर  ( प्रथम ) कु. शिवाली पाटील,रुईभर ( द्वितीय ) 68 किलो  कु . लक्ष्मी पवार, छत्रपती संभाजीनगर ( प्रथम ) कु. धन्या पोळ,आष्टी ( द्वितीय ) 72 किलो  कु. कांचन थोरवे,जालना ( प्रथम )  , कु. तृप्ती जगदाळे,राजनगड ( द्वितीय ) 76 किलो  कु. वेदिका ससाने,धानोरा  ( प्रथम )  कु. प्रतीक्षा गायकवाड,छत्रपती संभाजीनगर ( द्वितीय ) इत्यादी.

सदरील स्पर्धा यशस्वी करण्याकरीता संस्थेच्या  सर्व पदाधिकाऱ्याच्या मार्गदर्शनाखाली प्रभारी प्राचार्य डॉ . सुभाष राठोड , उपप्राचार्य  डॉ . रामदास ढोकळे प्रा. चांदसाहेब कुरेशी , कार्यालयीन आधिक्षक धनंजय  पाटील,क्रिडा शिक्षक डॉ अशोक कांबळे  व डॉ कपिल सोनटक्के , आदीसह महाविद्यालयातील सर्व शिक्षक , शिक्षकेतर कर्मचारी  यांनी परिश्रम घेतले .